काठमाडौं । कालीमाटी फलफूल तथा तरकारी बजार विकास समितिले आज (बुधबार) का लागि तरकारी तथा फलफूलको न्यूनतम थोक मूल्य सार्वजनिक गरेको छ।
समितिका अनुसार आज गोलभेँडाको मूल्यमा विविधता देखिएको छ। गोलभेँडा ठूलो (नेपाली) प्रतिकिलो १०० रुपैयाँ, ठूलो (भारतीय) ९० रुपैयाँ, सानो (लोकल) ६० रुपैयाँ, सानो (टनेल) ९० रुपैयाँ, सानो (भारतीय) तथा तराई क्षेत्रको गोलभेँडा प्रतिकिलो ८० रुपैयाँ तोकिएको छ। आलु रातो ३५ रुपैयाँ, आलु रातो (भारतीय) २८ रुपैयाँ, आलु सेतो २८ रुपैयाँ र सुकेको प्याज (भारतीय) प्रतिकिलो ४८ रुपैयाँ कायम गरिएको छ।
यसैगरी, गाजर (लोकल र तराई) प्रतिकिलो ६० रुपैयाँ, बन्दा (लोकल) ४५ रुपैयाँ, बन्दा (तराई) ४० रुपैयाँ, बन्दा (नरिवल) ४५ रुपैयाँ, काउली स्थानीय ५५ रुपैयाँ र काउली तराई ५० रुपैयाँ तोकिएको छ। रातो मूला ३५ रुपैयाँ, सेतो मूला (लोकल) १५ रुपैयाँ र हाइब्रिड सेतो मूला २० रुपैयाँमा कारोबार भइरहेको छ।
तरकारीतर्फ भन्टा लाम्चो ६० रुपैयाँ, भन्टा डल्लो ८० रुपैयाँ, तने बोडी १६० रुपैयाँ, मकै बोडी ७० रुपैयाँ, मटरकोसा १२० रुपैयाँ, घिउ सिमी (लोकल) ९० रुपैयाँ, हाइब्रिड ७५ रुपैयाँ र राजमा १२० रुपैयाँ निर्धारण गरिएको छ। टाटे सिमी र तितो करेला प्रतिकिलो १२० रुपैयाँमा बिक्री भइरहेको छ भने लौका ५० रुपैयाँ र फर्सी पाकेको ३० रुपैयाँ रहेको छ।
हरियो फर्सी (लाम्चो) ५० रुपैयाँ, डल्लो ४५ रुपैयाँ, सलगम ९० रुपैयाँ, भिन्डी १४० रुपैयाँ, सखरखण्ड ६० रुपैयाँ, पिँडालु ८० रुपैयाँ र स्कुस ३० रुपैयाँ कायम भएको छ।
सागसब्जीतर्फ रायोसाग ३० रुपैयाँ, पालुङ्गो साग र चमसुर १०० रुपैयाँ, तोरीको साग ४० रुपैयाँ, मेथीको साग १०० रुपैयाँ र हरियो प्याज ५० रुपैयाँ प्रतिकिलो तोकिएको छ।
अन्य तरकारी तथा जडीबुटीमा बकूला १२० रुपैयाँ, तरुल ६० रुपैयाँ, च्याउ (कन्य) ११० रुपैयाँ, च्याउ (डल्ले) २५० रुपैयाँ, कुरीलो प्रतिकिलो १ हजार रुपैयाँ, ब्रोकाउली ९० रुपैयाँ, चुकुन्दर ७० रुपैयाँ र रातो बन्दा १५० रुपैयाँ निर्धारण गरिएको छ। जिरीको साग २०० रुपैयाँ, सेलरी २८० रुपैयाँ, पार्सले ६०० रुपैयाँ, सौफको साग १३० रुपैयाँ, पुदिना ४०० रुपैयाँ र गुन्द्रुक ३५० रुपैयाँ रहेको छ।
फलफूलतर्फ स्याउ (झोले) २०० रुपैयाँ, फुजी स्याउ २७० रुपैयाँ, केरा (दर्जन) १८० रुपैयाँ, कागती ९० रुपैयाँ, अनार ३५० रुपैयाँ र नेपाली सुन्तला ८० रुपैयाँ प्रतिकिलो तोकिएको छ। तरबुजा हरियो ९० रुपैयाँ, मौसम ८० रुपैयाँ, जुनार ११० रुपैयाँ, भुइँकटहर प्रतिगोटा १४५ रुपैयाँमा बिक्री भइरहेको छ।
त्यस्तै, काँक्रो (लोकल) ५५ रुपैयाँ, हाइब्रिड काँक्रो ३० रुपैयाँ, निबुवा ६० रुपैयाँ, चाइनिज नास्पाती २०० रुपैयाँ, नेपाली मेवा ६० रुपैयाँ, स्ट्रबेरी (भुइँऐसुलु) ४५० रुपैयाँ र आभोकाडो प्रतिकिलो २५० रुपैयाँ निर्धारण गरिएको छ।
समितिले सार्वजनिक गरेको मूल्य सूची थोक बजारका लागि लागू हुने जनाएको छ।
