हेटौंडा:हेटौंडा उपमहानगरपालिका–९ स्थित प्रगति माध्यमिक विद्यालयको २४औँ अभिभावक भेलाले विद्यालय अभिभावक समितिको अध्यक्षमा हिरा भट्ट बस्नेतलाई सर्वसम्मत निर्वाचित गरेको छ।
धर्मपथ टोल निवासी बस्नेत राष्ट्रिय प्रजातन्त्र पार्टी (राप्रपा) हेटौंडा–९ इकाई समिति सदस्य तथा राप्रपा महिला संगठन मकवानपुरकी जिल्ला सचिवसमेत हुन्।
अभिभावक समितिको अध्यक्ष पदमा निर्वाचित भएपछि उहाँले आफूमाथि विद्यालय अभिभावकहरूले व्यक्त गरेको विश्वास र जिम्मेवारीलाई इमानदार ढंगले पूरा गर्दै विद्यालयको शैक्षिक गुणस्तर र विकासमा योगदान दिने प्रतिवद्धता जनाउनुभयो।
स्थानीय समाजसेवामा सक्रिय रहँदै आउनुभएकी बस्नेतले आफ्नो कार्यकालमा पार्टीको शिर उच्च राख्ने र विद्यालयको हितका लागि निरन्तर क्रियाशील रहने बताउनुभएको छ।
नव–निर्वाचित अध्यक्ष हिरा भट्ट बस्नेतलाई सफल कार्यकालको शुभकामना दिँदै बधाई ज्ञापन गरिएको छ।
