जुम्ला : जुम्लाको गुठीचौर गाउँ विकास समितिको मणिसाँघुमा नयाँ प्रसूति केन्द्रको शिलान्यास गरिएको छ। मातृ तथा शिशु स्वास्थ्यको सुदृढीकरण गर्न लक्ष्य राख्दै उद्घाटन कार्यक्रममा नवयुवराज हृदयेन्द्र वीर विक्रम शाह र हिमानी शाहको विशेष उपस्थितिमा शिलान्यास सम्पन्न गरिएको हो।
स्वास्थ्य सेवामा पहुँच अभावले गर्भवती महिलाहरूले लामो दूरीमा जोखिमपूर्ण यात्रा गर्नुपर्ने अवस्था रहेको यस क्षेत्रमा अब नयाँ प्रसूति केन्द्रले महत्वपूर्ण राहत पुर्याउने विश्वास लिइएको छ।
नवयुवराज हृदयेन्द्रले स्थानीय समुदायसँगको सम्वादमा मातृ स्वास्थ्यलाई प्राथमिकतामा राख्नुपर्ने बताए भने हिमानी शाहले ग्रामीण क्षेत्रका महिलाहरूको सुरक्षित सुत्केरी सेवा पाउने अधिकार सुनिश्चित गर्न केन्द्र निर्माणले टेवा पुर्याउने बताइन्।
स्थानीय बासिन्दाहरूले प्रसूति केन्द्रको निर्माणलाई ऐतिहासिक उपलब्धि मानेका छन्। निर्माण कार्य सम्पन्न भएपछि गाउँकै महिलाहरूले सहज रूपमा सेवा पाउनेछन् भन्ने आशा गरिएको छ।
