मकवानपुर : मकवानपुर प्रतिनिधिसभा क्षेत्र नम्बर १ का प्रतिनिधि सभा सदस्य एवं पूर्वाधार विकास सभापति माननीय दिपक बहादुर सिंहले वडा नम्बर ९ को शिक्षा क्षेत्रमा आमूल परिवर्तन गर्ने प्रतिवद्धता व्यक्त गरेका छन्।
हेटौंडा उपमहानगरपालिका–९ स्थित प्रगति माध्यमिक विद्यालयसहित वडाभित्रका विद्यालयहरूको समग्र विकासलाई प्राथमिकतामा राख्दै उनले प्रत्येक शैक्षिक कार्यक्रम, गतिविधि र योजना कार्यान्वयनमा अग्रसर रहने बताएका छन्।
उनले शिक्षा क्षेत्रको भौतिक संरचना, शैक्षिक गुणस्तर, विद्यार्थीको सहज पहुँच र आधुनिक पठन–पाठन प्रणालीलाई सुदृढ बनाउँदै नौ नम्बर वडालाई शैक्षिक उत्कृष्टताको केन्द्र बनाउने लक्ष्य अघि सारेका छन्।
